اسلام آباد امن مشن کا مرکز بن گیا: چار ملکی وزرائے خارجہ کا بڑا اجلاس آج ہوگا

اسلام آباد:مشرقِ وسطیٰ میں امن کی بحالی کے مشن نے پاکستان کو عالمی سیاست کے اسٹیج پر ایک بار پھر کلیدی کردار دے دیا ہے۔ اسلام آباد آج ایک ایسے تاریخی اجلاس کی میزبانی کر رہا ہے جو خطے میں جاری کشیدگی کی لہر کو روکنے کے لیے 'گیم چینجر' ثابت ہو سکتا ہے۔  پاکستان، سعودی عرب، ترکیہ اور مصر یہ وہ چار طاقتیں ہیں جن کے وزرائے خارجہ آج ایک مشترکہ امن فارمولے پر مشاورت کریں گے۔مصر اور ترکیہ کے وزرائے خارجہ اسلام آباد کی سرزمین پر قدم رکھ چکے ہیں، جبکہ سعودی وزیر خارجہ کی آمد کے ساتھ ہی یہ اہم ترین 'پاور سیشن' شروع ہو جائے گا۔
پاکستان کے وزیر خارجہ کی جانب سے ان تمام ممالک کو ایک میز پر لانا اس بات کا ثبوت ہے کہ پاکستان خطے میں محض ایک تماشائی نہیں بلکہ ایک سرگرم ثالث (Mediator) بن کر ابھرا ہے۔
اس چار ملکی بیٹھک کا مقصد صرف مذمتی بیانات جاری کرنا نہیں بلکہ     غزہ میں فوری اور پائیدار جنگ بندی کے لیے دباؤ ڈالنا۔    ایران اور مغربی طاقتوں کے درمیان بڑھتی ہوئی خلیج کو کم کرنا۔    خطے میں معاشی استحکام کے لیے سیکیورٹی گارنٹی پر اتفاق کرنا۔ عالمی ماہرین کا کہنا ہے کہ "اسلام آباد میں ہونے والا یہ اجتماع اس بات کا اشارہ ہے کہ مسلم امہ اب اپنے مسائل کے حل کے لیے خود آگے بڑھ رہی ہے، اور پاکستان اس اتحاد کا محور (Pivot) بن چکا ہے۔