لاہور میں منکی پاکس کے کیسز میں اضافہ

لاہور: لاہور میں منکی پاکس کے دو نئے کیسز سامنے آنے کے بعد وائرس کے پھیلنے کا خطرہ مزید بڑھ گیا ہے۔ گزشتہ 24 گھنٹوں میں دو افراد میں منکی پاکس کی تشخیص ہوئی ہے۔

28 سالہ شاہد اور 35 سالہ روبینہ، دونوں مریض اس وقت میو ہسپتال میں زیر علاج ہیں، جہاں ان کے لیب ٹیسٹ میں منکی پاکس کی تصدیق ہوئی ہے۔

دونوں مریضوں کا کہنا ہے کہ ان کا کوئی سفری ریکارڈ نہیں ہے، جس سے یہ امکان ظاہر ہو رہا ہے کہ وائرس مقامی طور پر ایک شخص سے دوسرے شخص تک منتقل ہو رہا ہے۔ اس وقت تک محکمہ سپیشلائزڈ ہیلتھ منکی پاکس کے مریضوں کو الگ تھلگ رکھنے کے لیے مناسب انتظامات نہیں کر سکا ہے۔

شہر میں منکی پاکس کے پھیلنے کی رفتار تیز ہو رہی ہے، جس سے عوامی صحت کے لیے مزید تشویش کا سامنا ہے۔