یوٹیوب میں شارٹس ویڈیوز کے ویوز سسٹم میں تبدیلی، ویڈیوز کے پلے اور ری پلے کی تعداد دکھائی جائے گی

کیلیفورنیا:  یوٹیوب میں ایک اہم تبدیلی کی جا رہی ہے جو شارٹس ویڈیوز کے شوقین افراد کے لیے خوشی کا باعث بنے گی۔ کمپنی نے اعلان کیا ہے کہ اب یوٹیوب شارٹس میں ویڈیوز کے ویوز کی تعداد کے بجائے ویڈیوز کے پلے یا ری پلے کی تعداد دکھائی جائے گی۔ اس سے قبل، شارٹس ویڈیوز کے ویو نمبرز کی بجائے ان کے دیکھے جانے کے دورانیے کو دکھایا جاتا تھا۔

یوٹیوب کا کہنا ہے کہ اس تبدیلی کا مقصد صارفین کو یہ سمجھنے میں مدد دینا ہے کہ ان کی ویڈیوز کو کتنی بار حقیقت میں دیکھا گیا ہے۔ یہ تبدیلی اس لیے کی گئی ہے کیونکہ صارفین نے اس بات کا مطالبہ کیا تھا کہ وہ اپنی ویڈیوز کی کارکردگی کو بہتر طور پر سمجھ سکیں۔

اس تبدیلی کے بعد، یوٹیوب شارٹس کا ویو سسٹم ٹک ٹاک اور انسٹاگرام ریلز جیسا ہو جائے گا، جہاں ویڈیوز کے پلے اور ری پلے کی تعداد دکھائی جائے گی۔ اس کے علاوہ، صارفین ابھی بھی ایڈوانسڈ موڈ میں جا کر ویڈیوز کے دیکھے جانے کے دورانیے کو "انگیجڈ ویوز" کے نام سے دیکھ سکتے ہیں۔

کمپنی کا کہنا ہے کہ اس تبدیلی سے ویڈیوز کی دیکھنے پر حاصل ہونے والی آمدنی یا یوٹیوب پارٹنر پروگرام میں شمولیت کی اہلیت پر کوئی اثر نہیں پڑے گا۔ یہ نیا سسٹم 31 مارچ سے متعارف کرایا جائے گا۔