اسلام آباد: انسداد دہشت گردی کی عدالت نے 4 اکتوبر کے احتجاج کے کیس میں سابق اپوزیشن لیڈر اور پی ٹی آئی کے رہنما عمر ایوب کو اشتہاری قرار دے دیا ہے۔ عدالت نے ان کے خلاف دہشت گردی کی دفعات کے تحت درج مقدمے میں کارروائی کرتے ہوئے یہ فیصلہ سنایا۔
عدالت کے جج طاہر عباس سپرا کی زیرِ صدارت سماعت کے دوران، عدالت نے عمر ایوب کی پراپرٹی کی تفصیلات طلب کیں اور ان کا پاسپورٹ و شناختی کارڈ بلاک کرنے کا حکم بھی دیا۔ اس کے علاوہ، عدالت نے ان کی گرفتاری کے لیے مزید اقدامات کرنے کی ہدایت کی۔
یاد رہے کہ عمر ایوب کے خلاف 4 اکتوبر کو اسلام آباد میں ہونے والے احتجاج کے دوران دہشت گردی کے الزامات کے تحت تھانہ نون میں مقدمہ درج کیا گیا تھا۔ تاہم، ابھی تک وہ پولیس کی گرفت سے بچنے میں کامیاب ہیں۔
NaiBaat | Copyright © 2026
