اسلام آباد : افواج پاکستان نے بانی پاکستان، قائداعظم محمد علی جناحؒ کے 149 ویں یوم پیدائش کے موقع پر انہیں شاندار خراج عقیدت پیش کیا۔ پاک فوج کے شعبہ تعلقات عامہ (آئی ایس پی آر) کی جانب سے جاری کیے گئے پیغام میں کہا گیا کہ قائداعظمؒ کی قیادت آج بھی پاکستان کی افواج اور قوم کے لیے رہنمائی کا ذریعہ ہے۔
چیف آف ڈیفنس فورسز، فیلڈ مارشل سید عاصم منیر نے قائداعظمؒ کو خراج عقیدت پیش کرتے ہوئے ان کی رہنمائی اور ویژن کی اہمیت پر زور دیا۔ اسی طرح، چیف آف ایئر سٹاف اور چیف آف نیول سٹاف نے بھی بابائے قوم کو اپنے خیالات اور دعاؤں کے ساتھ یاد کیا۔
آئی ایس پی آر کے مطابق، افواج پاکستان نے قائداعظمؒ کے نظریات سے اپنی مکمل وابستگی کا عہد کیا اور کہا کہ وہ پاکستان کی خودمختاری، علاقائی سالمیت اور قومی استحکام کے لیے ہر ممکن کوشش جاری رکھیں گے۔
NaiBaat | Copyright © 2026
