ملک بھر میں سونے کی قیمتوں میں 5 ہزار 900 روپے کی نمایاں کمی

کراچی:کراچی سے موصولہ اطلاعات کے مطابق سندھ صرافہ بازار ایسوسی ایشن نے بتایا ہے کہ ملک بھر میں سونے کی فی تولہ قیمت میں تقریباً 5 ہزار 900 روپے کی کمی واقع ہوئی ہے۔ اس کمی کے بعد سونا 3 لاکھ 59 ہزار روپے فی تولہ کی سطح پر آ گیا ہے۔ 10 گرام سونے کی قیمت میں بھی 5 ہزار 58 روپے کی کمی ہوئی ہے، اور اس کی نئی قیمت 3 لاکھ 7 ہزار 784 روپے ہو گئی ہے۔

یاد رہے کہ گزشتہ روز سونے کی قیمتوں میں 3 ہزار 700 روپے کا اضافہ ہوا تھا، جس کے بعد فی تولہ سونا 3 لاکھ 64 ہزار 900 روپے پر پہنچ گیا تھا۔ 10 گرام سونا بھی 3 ہزار 171 روپے مہنگا ہو کر 3 لاکھ 12 ہزار 842 روپے تک پہنچ گیا تھا۔

عالمی مارکیٹ میں سونے کی قدر میں بھی اتار چڑھاؤ دیکھا گیا، جہاں فی اونس سونے کی قیمت 37 ڈالر بڑھ کر 3 ہزار 424 ڈالر ہو گئی۔

ماہرین کا کہنا ہے کہ عالمی سطح پر قیمتوں میں اتار چڑھاؤ اور ملکی اقتصادی صورتحال کی وجہ سے سونے کی قیمتوں میں روز بروز فرق آ رہا ہے۔