بہادر کتے زیا کو بپھرے بیل سے مالک کی جان بچانے پر ہیم بون ایوارڈ جیت لیا

کیلیفورنیا : امریکہ کی بیمہ کمپنی نیشن وائڈ پیٹ انشورنس نے اس سال کا ہیم بون ایوارڈ کیلیفورنیا کے ایک کتے زیا کو دیا ہے، جس نے اپنے مالک کو شمالی کیلیفورنیا میں سیر کے دوران ایک جارح بیل سے بچایا۔

رپورٹ کے مطابق، جب بیل نے حملہ کیا تو زیا نے فوراً بیل کا سامنا کیا اور مالک کو بچانے کی کوشش کی۔ اس دوران بیل نے زیا کے جبڑے پر وار کیا جس سے اس کا دانت ٹوٹ گیا۔ کتے کو فوری طور پر ویٹرنری ہسپتال لے جایا گیا جہاں وہ مکمل طور پر صحتیاب ہو گیا۔

ہیم بون ایوارڈ ہر سال ایسے جانوروں کو دیا جاتا ہے جنہوں نے غیر معمولی بہادری یا کارکردگی دکھائی ہو۔ یہ ایوارڈ ایک ایسے کتے کے نام پر ہے جس نے چھٹی کے دن ریفریجریٹر میں بند ہو کر پورا دن ہیم کھایا تھا۔زیا نے آن لائن ووٹنگ کے ذریعے اس ایوارڈ کو جیتا، جہاں اس کے ساتھ نو دیگر کتے بھی امیدوار تھے۔