آسٹریلیا نے انگلینڈ کو 82 رنز سے شکست دے کر ایشز سیریز جیت لی

ایڈیلیڈ  : آسٹریلیا نے انگلینڈ کو تیسرے ٹیسٹ میچ میں 82 رنز سے شکست دے کر 5 میچز کی ایشز سیریز میں فیصلہ کن 0-3 کی برتری حاصل کر لی۔ ایڈیلیڈ میں ہونے والے اس میچ میں انگلینڈ 435 رنز کے ہدف کا پیچھا کرتے ہوئے 352 رنز پر آؤٹ ہو گئی۔

انگلینڈ کی طرف سے زیک کرالی نے 85، جیمی اسمتھ نے 60 اور وِل جیکس نے 47 رنز بنائے، لیکن آسٹریلیا کے مچل سٹارک، پیٹ کمنز اور نیتھن لیون نے شاندار بولنگ کرتے ہوئے تین تین وکٹیں حاصل کیں اور انگلینڈ کی بیٹنگ لائن کو شکست دی۔

آسٹریلیا نے پہلے بیٹنگ کرتے ہوئے 371 رنز اور پھر دوسری اننگز میں 349 رنز بنائے۔ انگلینڈ پہلی اننگز میں صرف 286 رنز ہی بنا سکا۔

اس جیت کے ساتھ آسٹریلیا نے سیریز میں 0-3 کی ناقابل شکست برتری حاصل کر لی ہے۔ سیریز کا چوتھا ٹیسٹ 26 دسمبر کو میلبورن میں کھیلا جائے گا، اور آسٹریلیا کی ٹیم اب سیریز میں فیصلہ کن فتح کے لیے پرعزم ہے۔