عیدالاضحیٰ پر مئی کے آخری ہفتے میں چھٹیاں: وفاقی حکومت کا 3 روز کی عام تعطیل کا فیصلہ، نوٹیفکیشن جاری

اسلام آباد:وفاقی حکومت نے عیدالاضحیٰ کی آمد کے پیشِ نظر ملک بھر میں سرکاری سطح پر تین چھٹیوں کا اعلان کر دیا ہے۔ کابینہ ڈویژن کی جانب سے جاری کردہ باقاعدہ نوٹیفکیشن کے مطابق تمام سرکاری و نجی ملازمین عید کے اس مذہبی تہوار پر تین روز کی تعطیلات کا فائدہ اٹھا سکیں گے۔
 عیدالاضحیٰ کی تعطیلات 26 مئی سے شروع ہو کر 28 مئی 2026ء تک جاری رہیں گی۔ان چھٹیوں کا اطلاق تمام وفاقی و صوبائی دفاتر، تعلیمی اداروں، بینکوں اور نجی شعبوں پر یکساں ہوگا۔ نوٹیفکیشن میں تمام بلدیاتی اداروں کو عید کے دنوں میں صفائی کے خصوصی انتظامات اور قانون نافذ کرنے والے اداروں کو سکیورٹی ہائی الرٹ رکھنے کی ہدایت بھی کی گئی ہے۔
تین روزہ تعطیلات کا یہ نوٹیفکیشن فوری طور پر نافذ العمل کر دیا گیا ہے تاکہ شہری عید کی تیاریاں اور اپنے آبائی علاقوں کا سفر بروقت پلان کر سکیں۔