ایپل کے نئے آئی فونز میں فاسٹ چارجنگ، مگر چارجر الگ خریدنا پڑے گا

کیلیفورنیا : ایپل نے اپنے نئے آئی فون 17، 17 پرو اور 17 پرو میکس میں فاسٹ چارجنگ کی سہولت دی ہے۔ یہ فونز صرف 20 منٹ میں آدھے سے زیادہ چارج ہو سکتے ہیں، جبکہ آئی فون ائیر کو 50 فیصد چارج ہونے میں 30 منٹ لگیں گے۔

لیکن خوشی کے ساتھ ایک پریشانی بھی ہے۔ یہ فاسٹ چارجنگ تبھی ممکن ہے جب آپ ایپل کا نیا 40 واٹ والا چارجر استعمال کریں، جو تھوڑی دیر کے لیے 60 واٹ کی طاقت بھی دے سکتا ہے۔

یہ چارجر نیا "AVS" پروٹوکول استعمال کرتا ہے، جو پرانے چارجرز کے "PPS" پروٹوکول سے مختلف ہے۔ یعنی جو چارجر آپ کے گھر میں پہلے سے ہیں، وہ اس فاسٹ چارجنگ کو سپورٹ نہیں کریں گے۔

لہٰذا، اگر آپ اپنے فون کو تیزی سے چارج کرنا چاہتے ہیں تو آپ کو تقریباً 39 ڈالر کا نیا چارجر خریدنا پڑے گا۔ مزید یہ کہ نیا چارجر پرانے فونز یا ڈیوائسز کے لیے اتنا فائدہ مند نہیں ہوگا۔تو فاسٹ چارجنگ کا فائدہ تو ملے گا، لیکن اس کے لیے اضافی خرچہ بھی کرنا ہوگا۔