فیفا ورلڈ کپ: کولمبیا اور انگلینڈ کی فتح، رونالڈو کی پرتگال کانگو سے نہ جیت سکی

میکسیکو:فیفا ورلڈ کپ میں دلچسپ اور سنسنی خیز مقابلوں کا سلسلہ جاری ہے۔ گروپ مرحلے کے اہم میچ میں کولمبیا نے شاندار کھیل کا مظاہرہ کرتے ہوئے ازبکستان کو ایک کے مقابلے میں تین گول سے شکست دے دی۔

ایک اور اہم مقابلے میں انگلینڈ نے کروشیا کو دو کے مقابلے میں چار گول سے ہرا کر ایونٹ میں اہم کامیابی حاصل کی۔ انگلش کھلاڑیوں نے جارحانہ انداز اپنایا اور میچ کے مختلف مراحل میں حریف ٹیم پر دباؤ برقرار رکھا۔

ادھر سٹار فٹبالر کرسٹیانو رونالڈو اپنی ٹیم پرتگال کو کانگو کے خلاف فتح نہ دلا سکے اور دونوں ٹیموں کے درمیان مقابلہ ایک، ایک گول سے برابر رہا۔ میچ میں دونوں ٹیموں نے متعدد حملے کیے تاہم کوئی بھی ٹیم فیصلہ کن برتری حاصل نہ کر سکی۔

دوسری جانب گھانا نے پاناما کے خلاف سنسنی خیز مقابلے میں آخری لمحات میں گول کر کے صفر کے مقابلے میں ایک گول سے کامیابی اپنے نام کر لی۔ اس فتح کے بعد گھانا نے ایونٹ میں اپنی پوزیشن مزید مستحکم کر لی، جبکہ پاناما کو سخت مقابلے کے باوجود شکست کا سامنا کرنا پڑا۔