ٹرمپ کا مکہ دفاعی معاہدے کا خیرمقدم، تین مسلم ممالک کا اتحاد اہم قرار

واشنگٹن: امریکی صدر ڈونلڈ ٹرمپ نے سعودی عرب، پاکستان اور ترکیہ کے درمیان ہونے والے مکہ دفاعی معاہدے کو خطے کے لیے خوش آئند پیش رفت قرار دے دیا۔

ڈونلڈ ٹرمپ نے تینوں ممالک کے درمیان دفاعی شراکت داری کو ایک جرات مندانہ اور اہم اقدام قرار دیتے ہوئے کہا کہ اسٹریٹجک تعاون سے خطے میں اتحاد، باہمی اعتماد اور دفاعی روابط کو مزید مضبوط بنانے میں مدد ملے گی۔

امریکی صدر کے مطابق سعودی عرب، پاکستان اور ترکیہ کا مشترکہ دفاعی تعاون علاقائی سلامتی کے لیے اہم ثابت ہوسکتا ہے اور اس کے نتیجے میں مشرقِ وسطیٰ میں باہمی تعاون کے نئے مواقع پیدا ہوں گے۔

مکہ میں طے پانے والے دفاعی معاہدے کے بعد تینوں ممالک کے درمیان دفاعی و سکیورٹی تعاون مزید بڑھنے کی توقع کی جا رہی ہے، جبکہ اسے خطے میں بدلتی ہوئی جغرافیائی سیاسی صورتحال کے تناظر میں اہم پیش رفت قرار دیا جا رہا ہے۔