آپریشن 'غضب للحق': پاک فوج کا دہشت گردوں کے خلاف آہنی وار، باجوڑ اور کرم سیکٹر میں ٹھکانے نیست و نابود

راولپنڈی: پاکستان کی سالمیت کو چیلنج کرنے والے شرپسند عناصر کے خلاف پاک فوج کا آپریشن 'غضب للحق' پوری قوت کے ساتھ جاری ہے۔ تازہ ترین کارروائیوں میں پاک افواج نے پاک افغان سرحد کے قریب دہشت گردوں کے متعدد ٹھکانوں اور پوسٹوں کو نشانہ بناتے ہوئے انہیں زمین بوس کر دیا ہے۔
سکیورٹی ذرائع کے مطابق پاک فوج نے سرحد پار سے ہونے والی فائرنگ اور دراندازی کا منہ توڑ جواب دیا ہے۔ پاک افغان سرحد کے حساس ترین مقام پر افغان حدود میں موجود دہشت گردوں کی کئی اہم پوسٹوں کو تباہ کر دیا گیا۔  کرم ایجنسی سے ملحقہ سرحدی پٹی پر دہشت گردوں کے ٹھکانوں پر بھاری ہتھیاروں سے کاری ضرب لگائی گئی، جس کے نتیجے میں شرپسندوں کو بھاری جانی و مالی نقصان اٹھانا پڑا۔
آپریشن 'غضب للحق' کے تحت کی جانے والی یہ کارروائیاں ان عناصر کے لیے واضح پیغام ہیں جو سرحد پار پناہ گاہوں کو پاکستان کے خلاف استعمال کر رہے ہیں۔    پاک فوج نے ثابت کر دیا ہے کہ کسی بھی قسم کی سرحدی خلاف ورزی یا دہشت گردی کو برداشت نہیں کیا جائے گا۔    انٹیلی جنس بیسڈ آپریشنز کے ذریعے دہشت گردوں کے نیٹ ورک کو جڑ سے اکھاڑا جا رہا ہے۔
حالیہ کارروائیوں کے بعد پاک افغان سرحد پر سکیورٹی کو ہائی الرٹ کر دیا گیا ہے۔ پاک فوج کے مستعد دستے سرحدوں کی نگرانی کر رہے ہیں اور کسی بھی مشکوک نقل و حرکت پر فوری ایکشن لینے کے احکامات جاری کر دیے گئے ہیں۔