اسرائیلی جنگی طیاروں کی جنوبی لبنان پر بمباری جاری

بیروت: اسرائیلی جنگی طیاروں نے جنوبی لبنان کے مختلف علاقوں پر بمباری کی، جن میں وادی برغز، مرتفعات اقلیم التفاح اور حومین الفوقا شامل ہیں۔

عالمی میڈیا کی رپورٹس کے مطابق، اسرائیلی فضائی حملے جنوبی لبنان کے ریحان علاقے پر بھی ہوئے، جبکہ وادی برغز اور دیگر جنوبی علاقوں میں بھی بمباری کی گئی۔ اسرائیلی فوج نے کہا کہ وہ ان حملوں کے ذریعے جنوبی لبنان میں حزب اللہ کے اہم مقامات کو نشانہ بنا رہی ہے۔

یہ حملے لبنان اور اسرائیل کے درمیان 27 نومبر 2024 کو معاہدہ نافذ ہونے کے بعد سے جاری ہیں، جب سے اسرائیلی افواج جنوبی اور مشرقی لبنان کے مختلف علاقوں پر حملے کر رہی ہیں۔