سٹیٹ بینک کی نئی مانیٹری پالیسی: شرح سود میں 50 بیسیز پوائنٹس کی کمی

کراچی:سٹیٹ بینک آف پاکستان نے نئی مانیٹری پالیسی کے تحت مرکزی بینک کی شرح سود میں 50 بیسیز پوائنٹس کی کمی کر دی ہے۔ اس کے نتیجے میں شرح سود 11 فیصد سے کم ہو کر 10.5 فیصد ہو گئی ہے۔

بینک کا کہنا ہے کہ اس اقدام کا مقصد معیشت میں استحکام لانا، سرمایہ کاری کے مواقع بڑھانا اور مالیاتی مارکیٹ میں لیکویڈیٹی کی دستیابی کو بہتر بنانا ہے۔ نئی شرح سود کے بعد کاروباری سرگرمیوں اور صارفین کے لیے قرضوں کی لاگت کم ہو گی، جس سے ملکی معیشت میں رفتار پیدا ہونے کی توقع ہے۔

سٹیٹ بینک نے یہ بھی واضح کیا کہ پالیسی کا مقصد مہنگائی کو کنٹرول میں رکھنا اور معیشت کی مجموعی نمو کو مستحکم کرنا ہے۔