مائنز اینڈ منرلز ترمیم میں غلط فہمیوں کا سدباب کیا جائے گا:علی امین گنڈاپور 

پشاور: خیبرپختونخوا حکومت نے مائنز اینڈ منرلز ترمیمی بل 2025 کا وائٹ پیپر جاری کیا ہے، جس میں معدنیات کے قوانین میں اہم تبدیلیاں تجویز کی گئی ہیں۔

وزیراعلیٰ علی امین گنڈاپور نے اس بل پر پھیلائی جانے والی غلط فہمیوں کا ازالہ کرتے ہوئے کہا کہ صوبائی حکومت کے اختیارات میں کوئی تبدیلی نہیں کی جا رہی۔ انہوں نے یہ بھی کہا کہ کچھ افراد جو اپنے ذاتی مفادات کی خاطر اصلاحات کی مخالفت کر رہے ہیں، ان کا مقصد صرف غیر قانونی مائننگ کو فروغ دینا ہو سکتا ہے۔

نئے وائٹ پیپر میں یہ بتایا گیا ہے کہ معدنیات کے شعبے کو جدید بنانے کے لیے ڈیجیٹل مائننگ سسٹم کا نفاذ کیا جائے گا، تاکہ لائسنسنگ اور معدنیات کی تجارت میں شفافیت آئے۔