کیا آپ کا فون ہیک ہو گیا ہے؟ یہ نشانیاں دیکھیں اور فوراً ہوشیار ہو جائیں!

کیلیفورنیا : آج کے دور میں ہمارا فون ہماری زندگی کا ایک اہم حصہ ہے۔ اس میں ہمارے دوستوں کے نمبر، تصویریں، اہم باتیں اور بہت سی ذاتی معلومات ہوتی ہیں۔ لیکن افسوس، کچھ لوگ ایسے بھی ہوتے ہیں جو آپ کا فون ہیک کر کے آپ کا ڈیٹا چوری کرنا چاہتے ہیں۔ چاہے آپ کا فون اینڈرائیڈ ہو یا آئی فون، کوئی بھی مکمل محفوظ نہیں۔

فوربز کی ایک رپورٹ کے مطابق، اگر آپ کے فون میں یہ علامات نظر آئیں تو سمجھ جائیں کہ آپ کا فون ہیک ہو سکتا ہے:

فون کی بیٹری بہت جلد ختم ہونا اور فون کا زیادہ گرم ہونا
اگر بیٹری اچانک تیزی سے ختم ہو رہی ہے اور فون ہاتھ میں پکڑتے ہی گرم ہو جاتا ہے، تو یہ ایک خراب علامت ہے۔
ایپس خود سے بننا یا خود سے بند ہونا
اگر آپ نے کوئی نئی ایپ انسٹال نہیں کی لیکن آپ کے فون میں نئی ایپس آ رہی ہیں یا ایپس خود بخود کھلنے اور بند ہونے لگیں تو فکر کریں۔
ڈیٹا یا کالز کا غیر معمولی خرچ
اگر آپ کا ڈیٹا یا کال پیکج جلد ختم ہو رہا ہے یا آپ کو ایسے نمبر فون کر رہے ہیں جو آپ نہیں جانتے، تو یہ فون ہیک ہونے کی نشانی ہو سکتی ہے۔
غیر معمولی نوٹیفکیشنز یا فون کی سیٹنگز کا خود بدلنا
اچانک پاپ اپس آنا یا کیمرہ اور مائیکروفون کی سیٹنگز خود سے بدل جانا خطرے کی گھنٹی ہے۔
آن لائن اکاؤنٹس سے بغیر آپ کی اجازت کے لاگ آؤٹ ہونا
اگر آپ خود کو اپنے ایپل یا گوگل اکاؤنٹ سے لاگ آؤٹ پائیں اور آپ نے ایسا نہیں کیا، تو سمجھ لیں کہ آپ کا فون یا اکاؤنٹ کسی اور کے ہاتھ میں ہو سکتا ہے۔
 
اگر آپ کو یہ علامات نظر آئیں تو کیا کریں؟
فوراً اپنی ایپس چیک کریں اور جو ایپس آپ کو مشکوک لگیں انہیں ہٹا دیں۔
فون اور ایپس کو ہمیشہ اپڈیٹ رکھیں تاکہ کوئی سیکورٹی کا مسئلہ نہ رہے۔
اپنے پاس ورڈز مضبوط رکھیں اور دوہری تصدیق (2FA) ضرور آن کریں۔
عوامی وائی فائی نیٹ ورک پر فون کا استعمال کم کریں کیونکہ وہ آسانی سے ہیک ہو سکتا ہے۔
اگر شک ہو کہ فون ہیک ہو گیا ہے تو ڈیٹا کا بیک اپ لے کر فون کو فیکٹری ری سیٹ کر دیں۔