اسلام آباد میں سیاسی و سفارتی سرگرمیاں تیز: بلاول بھٹو کی آمد، شاہی وفد سے ملاقات اور اہم مشاورتی مشن

اسلام آباد : پاکستان پیپلز پارٹی کے چیئرمین بلاول بھٹو زرداری اہم سیاسی و سفارتی مصروفیات کے سلسلے میں وفاقی دارالحکومت پہنچ گئے ہیں، جہاں ان کی موجودگی نے سیاسی حلقوں میں ہلچل پیدا کر دی ہے۔ذرائع کے مطابق اسلام آباد پہنچتے ہی بلاول بھٹو زرداری نے ایک نجی ہوٹل میں بیلجیئم کے شاہی وفد کے اعزاز میں منعقدہ عشائیے میں شرکت کی۔    یہ پروقار تقریب چیئرمین سینیٹ یوسف رضا گیلانی کی جانب سے منعقد کی گئی تھی۔
    تقریب کے دوران بلاول بھٹو زرداری نے شاہی وفد کے اراکین کے ساتھ غیر رسمی گفتگو کی اور پاک بیلجیئم تعلقات کے فروغ پر تبادلہ خیال کیا۔بلاول بھٹو زرداری کا یہ دورہ اسلام آباد صرف سفارتی تقاریب تک محدود نہیں ہے۔     چیئرمین پی پی پی اسلام آباد میں اپنے قیام کے دوران اہم سیاسی ملاقاتیں کریں گے۔    ان کی حکومتی اراکین اور اتحادی جماعتوں کے قائدین سے ملاقاتیں بھی شیڈول کا حصہ ہیں، جس میں ملکی سیاسی صورتحال اور اہم حکومتی امور پر مشاورت کی جائے گی۔