حبیب جالب کی 32ویں برسی

لاہور: پاکستان کے عظیم انقلابی شاعر حبیب جالب کو دنیا سے رخصت ہوئے آج 32 سال ہو گئے ہیں۔ حبیب جالب 24 مارچ 1928 کو مشرقی پنجاب کے شہر ہوشیارپور میں پیدا ہوئے اور انہوں نے بہت کم عمری میں شاعری کا آغاز کیا۔ ان کی شاعری ہمیشہ حکومتی جبر اور سماجی ناانصافی کے خلاف ایک مضبوط آواز بن کر اُٹھی۔

حبیب جالب کی تخلیقات میں ’’برگ آوارہ‘‘، ’’سر مقتل‘‘ اور ’’عہد ستم‘‘ جیسے اہم مجموعے شامل ہیں، جو آج بھی عوامی آواز اور مزاحمت کی علامت ہیں۔ انہوں نے اپنے شعری کلام میں محبت اور انقلاب کے پیغامات دیے اور اپنی زندگی کو جمہوریت، عوامی حقوق اور سچائی کے لئے وقف کیا۔

12 مارچ 1993 کو حبیب جالب کا انتقال ہوا، تاہم ان کی شاعری آج بھی عوام کے دلوں میں زندہ ہے اور ان کا اثر ہمیشہ قائم رہے گا۔