اسلام آباد: واٹس ایپ نے ایک نیا اور دلچسپ فیچر متعارف کرایا ہے، جو کسی جادوئی فلم کی طرح لگتا ہے، بالکل جیسے ہیری پوٹر کی دنیا! میٹا کی ملکیت والی یہ مشہور میسجنگ ایپ اب اپنے صارفین کو "متحرک تصاویر" بنانے کی سہولت فراہم کر رہی ہے۔
یہ نیا فیچر اس وقت واٹس ایپ کے اینڈرائیڈ بیٹا ورژن میں دستیاب ہے، جس کے ذریعے صارفین ساکت تصاویر کو حرکت دینے کی صلاحیت حاصل کر رہے ہیں، بالکل آئی فون کے "لائیو فوٹوز" کی طرح۔
اس فیچر کی مدد سے آپ تصویر کے کھینچنے سے پہلے اور بعد کے چند سیکنڈ کو بھی فوٹو میں شامل کر سکتے ہیں، اور اس کے ساتھ آواز بھی جڑ سکتی ہے۔ اس کا مطلب یہ ہے کہ یہ صرف ایک ساکت تصویر نہیں، بلکہ ایک چھوٹی ویڈیو ہو گی جس میں تصویر کی کچھ چیزیں حرکت کرتی دکھائی دیں گی۔
اس فیچر کا استعمال انتہائی آسان ہے: واٹس ایپ کھولیں، گیلری میں جائیں اور اوپر بائیں طرف موجود موشن آئیکن پر کلک کر کے اپنی تصاویر کو متحرک کریں۔
تاہم، یہ فیچر فی الحال بیٹا ورژن میں ہے اور صرف محدود تعداد میں صارفین کے لیے دستیاب ہے۔ اس وقت اگر آپ ایسی متحرک تصاویر بنانا چاہتے ہیں، تو آپ کو تھرڈ پارٹی ایپس کا استعمال کرنا پڑتا ہے۔
اس نئے فیچر کی مدد سے آپ واٹس ایپ پر ہی اپنی پسندیدہ GIF تصاویر بنا کر اپنے دوستوں کے ساتھ شیئر کر سکیں گے۔ اگرچہ یہ ابھی تک واضح نہیں ہے کہ یہ فیچر کب تک تمام صارفین کے لیے دستیاب ہو گا، لیکن توقع کی جا رہی ہے کہ یہ بہت جلد متعارف کرایا جائے گا۔
NaiBaat | Copyright © 2026
