اداکارہ کاجل اگروال کی موت کی جھوٹی خبر نے ہلچل مچا دی، اداکارہ نے خود تردید کر دی

ممبئی :معروف فلمی اداکارہ کاجل اگروال کے حوالے سے سوشل میڈیا پر گردش کرنے والی جھوٹی موت کی افواہوں نے مداحوں کو شدید تشویش میں مبتلا کر دیا، تاہم اداکارہ نے خود منظر عام پر آ کر ان افواہوں کی واضح تردید کر دی۔

یہ افواہ سوشل میڈیا پر کچھ جعلی اکاؤنٹس کے ذریعے پھیلائی گئی، جس میں کہا گیا تھا کہ کاجل اگروال کا انتقال ہو گیا ہے۔ دیکھتے ہی دیکھتے یہ خبر مختلف پلیٹ فارمز پر وائرل ہو گئی اور مداحوں میں افسوس اور حیرت کی لہر دوڑ گئی۔

جلد ہی کاجل اگروال نے اپنے تصدیق شدہ سوشل میڈیا اکاؤنٹس کے ذریعے وضاحت پیش کرتے ہوئے کہا:

"میں بالکل خیریت سے ہوں، جھوٹی خبروں پر دھیان نہ دیں۔ آپ سب کے پیار کا شکریہ۔"
اداکارہ کی اس سادہ مگر پُر اعتماد وضاحت کے بعد مداحوں نے اطمینان کا اظہار کیا اور ان کی صحت و سلامتی پر خوشی کا اظہار کیا۔