اسرائیل کے ایران پر فضائی حملے، تہران اور دیگر شہروں میں دھماکوں کی آوازیں

تہران: اسرائیلی فضائیہ نے ایران کے مختلف شہروں پر حملے کیے، جن کے بعد تہران اور دیگر شہروں میں دھماکوں کی آوازیں سنی گئیں۔ تہران میں نئی ریلی کے دوران بھی حملے ہوئے، لیکن ایرانی شہری ڈٹے رہے، جھنڈے لہرائے اور امریکا و اسرائیل کے خلاف نعرے لگائے۔

ایران کے اصفہان شہر میں حملے میں روسی قونصل خانے کو نقصان پہنچا، لیکن کسی کے جانی نقصان کی اطلاع نہیں ملی۔

لبنان کے بیروت شہر میں بھی اسرائیل نے فضائی کارروائی کی، جس میں حزب اللہ کے انفراسٹرکچر کو نشانہ بنایا گیا۔ رپورٹ کے مطابق لبنان میں اب تک 570 افراد ہلاک اور 1,444 زخمی ہوئے ہیں، اور تقریباً 760,000 لوگ بے گھر ہو چکے ہیں۔