انسداد دہشت گردی عدالت کا علیمہ خان کے ضمانتی مچلکے ضبط کرنے کا حکم

راولپنڈی : انسداد دہشت گردی عدالت راولپنڈی نے عمران خان کی بہن علیمہ خان کے خلاف ایک اہم فیصلہ سنایا ہے۔ عدالت نے ان کے ضمانتی مچلکے ضبط کرنے کا حکم دے دیا ہے کیونکہ وہ 26 نومبر کے احتجاج کے مقدمے کی سماعت پر عدالت میں پیش نہیں ہوئیں۔

عدالت کے جج نے علیمہ خان سمیت 11 ملزمان کے خلاف کیس کی سماعت کی۔ اس دوران علیمہ خان اور ان کے وکلا عدالت میں موجود نہیں تھے، جس پر عدالت نے ان کے قابل ضمانت وارنٹ جاری کیے اور ضمانت منسوخ کرنے کا نوٹس بھی دیا۔ اس کے علاوہ، علیمہ خان کے خلاف توہین عدالت کا نوٹس بھی جاری کیا گیا۔

پراسیکیوشن نے عدالت میں علیمہ خان کے ضمانتی مچلکے ضبط کرنے کی درخواست کی، کیونکہ علیمہ خان نے پہلے یہ وعدہ کیا تھا کہ وہ ہر سماعت پر عدالت میں پیش ہوں گی، مگر انہوں نے ایسا نہیں کیا۔ عدالت نے علیمہ خان کے 10 لاکھ روپے کے دو ضمانتی مچلکے ضبط کرنے کا حکم دے دیا۔عدالت نے کیس کی مزید سماعت 15 دسمبر تک ملتوی کر دی ہے۔