ایپل کا پہلا فولڈ ایبل آئی فون ستمبر 2026 میں متعارف ہونے کا امکان

کیلیفورنیا: ایپل ستمبر 2026 میں اپنا پہلا فولڈ ایبل آئی فون متعارف کرانے کی تیاری کر رہا ہے، جو آئی فون 18 پرو ماڈلز کے ساتھ لانچ ہوگا۔ ممکنہ نام "آئی فون الٹرا" رکھا جا رہا ہے اور قیمت 2,000 ڈالرز سے زیادہ متوقع ہے۔

رپورٹ کے مطابق، "الٹرا" نام ایپل واچ الٹرا کی طرح رکھا جا رہا ہے کیونکہ یہ فون کمپنی کا سب سے مہنگا آئی فون ہوگا۔ دیگر فولڈ ایبل فونز سے مختلف، اس کا ڈیزائن اور فیچرز منفرد ہوں گے۔

فون کو کھولنے پر 7.8 انچ ڈسپلے نظر آئے گا جبکہ بند ہونے پر 5.5 انچ اسکرین نظر آئے گی۔ اندر اے 20 پرو چپ اور 5,500 ایم اے ایچ بیٹری دی جائے گی۔ کیمرا ڈیزائن آئی فون ایئر جیسا ہوگا لیکن مکمل بلیک اور دو کیمرے، ایک مائیکروفون اور فلیش کے ساتھ، تاکہ یہ آئی پیڈ پرو جیسا لگے۔