معیشت کی ترقی ہر پاکستانی تک پہنچے گی، مریم نواز کاوفاقی بجٹ پر اعتماد کا اظہار

لاہور: وزیراعلیٰ پنجاب مریم نواز نے متوازن وفاقی بجٹ پیش کرنے پر وزیراعظم اور ان کی ٹیم کو دل کی گہرائیوں سے مبارکباد پیش کی ہے، اور اسے ملک میں پائیدار ترقی اور عوامی خوشحالی کے سفر کا آغاز قرار دیا ہے۔

اپنے ایک بیان میں، مریم نواز نے اس بجٹ کو نواز شریف کی بصیرت افروز رہنمائی اور وزیراعظم کی فعال قیادت کا ثمر قرار دیا۔ انہوں نے مزید کہا کہ یہ بجٹ پائیدار ترقی کے اہداف کے حصول میں ایک سنگ میل ثابت ہو گا۔

وزیراعلیٰ نے نئے مالی سال کے بجٹ کے بارے میں اپنے خیالات کا اظہار کرتے ہوئے کہا کہ یہ عوام کے لیے مسرت اور خوشحالی کا پیغام لائے گا۔ انہوں نے اس عزم کا اعادہ کیا کہ معیشت کی ترقی کے فوائد ہر شہری تک پہنچانے کے لیے حکومت پرعزم ہے۔

مریم نواز شریف نے خاص طور پر آئی ایم ایف پروگرام سے آزادی حاصل کرنے کے عزم کو شاندار مستقبل کی نوید قرار دیا۔ ان کا کہنا تھا کہ بجٹ میں متوسط طبقے کو قابل ذکر ریلیف فراہم کیا گیا ہے، جس کے نتیجے میں مصنوعی مہنگائی میں مزید کمی آئے گی۔