وزیر اعلیٰ پنجاب مریم نواز ایک روزہ دورے پر کوئٹہ پہنچ گئیں

لاہور : وزیر اعلیٰ پنجاب مریم نواز شریف ایک روزہ دورے پر کوئٹہ پہنچ گئیں، جہاں گورنر بلوچستان جعفر مندوخیل اور صوبائی وزراء نے ان کا ایئرپورٹ پر استقبال کیا۔

اپنے دورے کے دوران، مریم نواز گورنر بلوچستان سے ملاقات کریں گی اور حالیہ دہشت گردی کے واقعات سے متاثرہ خاندانوں سے اظہارِ ہمدردی کریں گی۔ وہ ان خاندانوں کے ساتھ یکجہتی کا اظہار کریں گی تاکہ ان کے دکھ میں شریک ہو سکیں۔

مریم نواز شریف کی وزیراعلیٰ بلوچستان سرفراز بگٹی اور صوبائی کابینہ کے اراکین سے بھی ملاقات طے ہے، جس میں موجودہ سیاسی حالات پر گفتگو کی جائے گی۔ یہ دورہ سیاسی صورتحال اور بلوچستان میں امن و امان کے حوالے سے اہم بات چیت کے لیے کیا جا رہا ہے۔