88 ممالک نے امریکی ڈاک ترسیل معطل کر دی، عالمی ڈاک نظام متاثر

واشنگٹن: امریکہ کی طرف سے نئے ٹیرفز عائد کرنے کے بعد، امریکہ کو بھیجے جانے والے خطوط اور پارسلز کی ترسیل میں 80 فیصد سے زیادہ کمی دیکھی گئی ہے، جبکہ دنیا بھر کے 88 ڈاک خدمات فراہم کرنے والے اداروں نے اپنی خدمات کو مکمل یا جزوی طور پر معطل کر دیا ہے۔

اقوام متحدہ کی ڈاک سے متعلق تنظیم، یونیورسل پوسٹل یونین (یو پی یو) کے ڈائریکٹر جنرل ماساہیکو میتوکی نے بتایا ہے کہ یہ ادارہ ایک جدید تکنیکی حل تیار کر رہا ہے جو امریکہ کو ڈاک کی ترسیل کی بحالی میں مدد فراہم کرے گا۔

یاد رہے کہ امریکی انتظامیہ نے جولائی کے آخر میں اعلان کیا تھا کہ 29 اگست سے امریکہ میں داخل ہونے والے چھوٹے پارسلز پر دی جانے والی ٹیکس چھوٹ ختم کر دی جائے گی۔

اس فیصلے کے بعد آسٹریلیا، برطانیہ، فرانس، جرمنی، بھارت، اٹلی اور جاپان سمیت متعدد ممالک نے اعلان کیا کہ وہ امریکہ کو بھیجے جانے والے زیادہ تر پارسل قبول نہیں کریں گے۔

یو پی یو کی رپورٹس کے مطابق، 29 اگست کو امریکہ جانے والی ڈاک کی ترسیل ایک ہفتہ پہلے کی نسبت 81 فیصد کم ہو گئی ہے۔

اب تک 88 ڈاک آپریٹرز نے اطلاع دی ہے کہ وہ امریکہ کے لیے اپنی تمام یا کچھ ڈاک خدمات عارضی طور پر روک چکے ہیں، جب تک کہ کوئی پائیدار حل سامنے نہ آئے۔

ان میں جرمنی کی ڈوئچے پوسٹ، برطانیہ کا رائل میل اور بوسنیا و ہرزیگووینا کے دو ڈاک آپریٹرز شامل ہیں۔

یو پی یو کا مرکزی دفتر سوئٹزرلینڈ کے دارالحکومت برن میں واقع ہے۔ یہ تنظیم 1874 میں قائم ہوئی تھی اور اس کے 192 رکن ممالک موجود ہیں۔ یو پی یو بین الاقوامی ڈاک کے تبادلے کے اصول وضع کرتی ہے اور خدمات کو بہتر بنانے کے لیے رہنمائی