پی ٹی آئی اور مولانا فضل الرحمٰن کے درمیان تحفظات ہیں، ہم انہیں دور کرنا چاہتے ہیں:جنید اکبر

اسلام آباد:پاکستان تحریک انصاف (پی ٹی آئی) کے رہنما جنید اکبر نے کہا ہے کہ مولانا فضل الرحمٰن اور ہماری جماعت کے درمیان کچھ تحفظات ہیں، جنہیں دور کرنا ہماری ترجیح ہے۔ انہوں نے کہا کہ ہم پی ٹی آئی کے مؤقف کو بانی عمران خان تک پہنچائیں گے۔

اسلام آباد میں میڈیا سے بات کرتے ہوئے جنید اکبر نے کہا کہ ہم مولانا فضل الرحمٰن کے تمام تحفظات دور کرنا چاہتے ہیں اور اسی مقصد کے تحت دونوں جماعتوں کا مؤقف ایک دوسرے تک پہنچایا جائے گا۔

انہوں نے یہ بھی کہا کہ پی ٹی آئی مزاحمت کی سیاست نہیں کرنا چاہتی، لیکن جب انہیں سیاسی سرگرمیاں کرنے کی اجازت نہیں دی جاتی، تو وہ مجبوراً ایسا کرنے پر مجبور ہو جاتے ہیں۔ جنید اکبر نے مزید کہا کہ پی ٹی آئی سیاسی ڈائیلاگ پر یقین رکھتی ہے اور امریکی کردار پر بھی تحفظات کا اظہار کیا، خاص طور پر بائیڈن انتظامیہ کے بارے میں۔