پاکستانی سیاست میں اہم موڑ: مولانا فضل الرحمٰن اور حافظ نعیم الرحمٰن کی ملاقات آج ہوگی

لاہور: جمعیت علماء اسلام (ف) کے سربراہ مولانا فضل الرحمٰن اور امیر جماعت اسلامی حافظ نعیم الرحمٰن کے درمیان آج ایک اہم ملاقات ہوگی۔ ملاقات آج سہ پہر 3 بجے منصورہ میں متوقع ہے، جہاں دونوں رہنما موجودہ ملکی سیاسی صورتحال اور غزہ کے بحران پر تبادلہ خیال کریں گے۔

ترجمان جماعت اسلامی کے مطابق، ملاقات کے بعد حافظ نعیم الرحمٰن اور مولانا فضل الرحمٰن میڈیا سے خطاب کریں گے۔ اس ملاقات کی خاص بات یہ ہے کہ دونوں جماعتوں نے حالیہ دنوں میں فلسطینیوں سے یکجہتی کے لیے کراچی میں علیحدہ علیحدہ غزہ مارچ کا انعقاد کیا تھا۔

یہ ملاقات پاکستانی سیاست اور عالمی امور میں اہم پیشرفت کی نشاندہی کرتی ہے۔