سٹیٹ بینک نے شرح سود میں ایک فیصد کمی کر دی، نئی شرح 11 فیصد

کراچی :سٹیٹ بینک آف پاکستان نے مانیٹری پالیسی کا اعلان کرتے ہوئے شرح سود میں ایک فیصد (100 بیسز پوائنٹس) کمی کرنے کا فیصلہ کیا ہے، جس کے بعد پالیسی ریٹ 12 فیصد سے کم ہو کر 11 فیصد ہو گیا ہے۔

اس فیصلے کا مقصد معاشی ترقی کو فروغ دینا اور کاروباری طبقے کو سستی قرض کی سہولت فراہم کرنا ہے۔

سٹیٹ بینک کی جانب سے جاری کردہ بیان میں کہا گیا کہ شرح سود میں کمی کا یہ فیصلہ ملک کی موجودہ اقتصادی صورتحال، مہنگائی میں کمی کی ضرورت اور کاروباری سرگرمیوں کی بحالی کے پیش نظر کیا گیا ہے۔ مرکزی بینک کا کہنا تھا کہ اس اقدام سے معیشت میں لچک پیدا ہو گی اور سرمایہ کاری کے مواقع بڑھیں گے۔

یونائیٹڈ بزنس گروپ (یو بی جی) اور دیگر کاروباری تنظیموں نے سٹیٹ بینک سے مسلسل مطالبہ کیا تھا کہ شرح سود میں کمی کی جائے تاکہ کاروباروں کو قرضے سستے نرخوں پر مل سکیں۔ اس فیصلے کو کاروباری حلقوں میں خوش آئند قرار دیا جا رہا ہے، تاہم ماہرین کا کہنا ہے کہ معاشی استحکام کے لیے اسٹیٹ بینک کو مزید اقدامات کی ضرورت ہے۔

اگرچہ شرح سود میں یہ کمی کاروباری برادری کی توقعات کا ایک جزوی جواب ہے، تاہم ماہرین کا کہنا ہے کہ اس سے معیشت میں مکمل استحکام لانے کے لیے مزید نرمی کی ضرورت ہوگی۔

سٹیٹ بینک کی یہ کمی اس بات کی غمازی کرتی ہے کہ مرکزی بینک نے معیشت کی بحالی کے لیے ایک قدم آگے بڑھایا ہے، لیکن مزید اصلاحات کی ضرورت باقی ہے تاکہ معیشت کو درپیش چیلنجز کا بہتر انداز میں مقابلہ کیا جا سکے۔