اسلام آباد:نائب وزیراعظم اور وزیر خارجہ اسحاق ڈار نے عمان میں اردن کے وزیر خارجہ ایمن الصفدی سے ملاقات کی، جس میں دوطرفہ تعلقات اور علاقائی امور پر تبادلہ خیال کیا گیا۔
ترجمان دفترِ خارجہ کے مطابق ملاقات کے دوران دونوں وزرائے خارجہ نے سیاسی، دفاعی، اقتصادی اور تعلیمی شعبوں میں تعاون کو مزید فروغ دینے پر اتفاق کیا۔
اسحاق ڈار نے فلسطینی عوام کی حمایت اور مسئلہ فلسطین پر اردن کے مؤقف اور کردار کو سراہا۔ دونوں رہنماؤں نے باہمی روابط کو مزید مضبوط بنانے کے عزم کا اظہار بھی کیا۔
NaiBaat | Copyright © 2026
