قدیم گالف گراؤنڈ پر ہاؤسنگ پروجیکٹ کی اجازت

لندن:  انگلینڈ میں 132 سال پرانا ایک تاریخی گالف کورس جلد ہی ختم ہو جائے گا، کیونکہ مقامی کونسل نے اس جگہ پر رہائشی منصوبے کی منظوری دے دی ہے۔

سرے کے قدیم ترین گالف کورسز میں شامل ریڈ ہِل اینڈ ریگیٹ گالف کورس کو مسمار کر کے اس کے مقام پر 10 نئے رہائشی یونٹس تعمیر کیے جائیں گے۔ اس منصوبے کی حتمی منظوری ریگیٹ اینڈ بینسٹیڈ بورو کونسل نے رواں ماہ جاری کی۔

یہ گالف کلب 1877 میں قائم ہوا تھا اور اسے سرے کے قدیم ترین اسپورٹس مقامات میں شمار کیا جاتا ہے، جبکہ اس سے زیادہ پرانا صرف گلڈفورڈ گالف کلب ہے جو 1886 میں قائم کیا گیا تھا۔

ابتدائی طور پر یہ گراؤنڈ 9 ہولز پر مشتمل تھا، تاہم بعد میں اسے وسعت دے کر مکمل 18 ہولز کے بڑے گالف کورس میں تبدیل کر دیا گیا۔

ایک صدی سے زائد عرصے تک کھلاڑیوں اور شوقین افراد کی میزبانی کرنے والا یہ تاریخی مقام اب رہائشی تعمیرات کی نذر ہونے جا رہا ہے، جس کے ساتھ سرے کی کھیلوں کی تاریخ کا ایک اہم اور طویل باب بھی اختتام پذیر ہونے کے قریب ہے۔