امریکی معیشت کا استحصال ہو رہا ہے، بھارت کو ٹیرف دینا ہوگا: ٹرمپ

واشنگٹن :سابق امریکی صدر ڈونلڈ ٹرمپ نے بھارت پر تجارتی دباؤ بڑھانے کا عندیہ دیتے ہوئے اضافی ٹیرف لگانے کی دھمکی دی ہے۔

اپنے سوشل میڈیا بیان میں ٹرمپ نے الزام لگایا کہ بھارت روس سے سستا تیل خرید کر عالمی مارکیٹ میں فروخت کر رہا ہے اور اس عمل سے منافع بھی حاصل کر رہا ہے، جبکہ روس یوکرین میں انسانی جانوں کا نقصان کر رہا ہے۔

ٹرمپ نے کہا کہ بھارت کو اس بات کی کوئی پرواہ نہیں کہ روس یوکرین میں کیا کر رہا ہے، اس لیے اب وقت آ گیا ہے کہ بھارت پر مزید تجارتی محصولات عائد کیے جائیں۔

ٹرمپ کی اس بیان بازی پر تاحال بھارتی حکام کی جانب سے کوئی جواب نہیں دیا گیا، تاہم مبصرین کے مطابق اگر یہ پالیسی عملی جامہ پہنتی ہے تو دونوں ممالک کے تجارتی تعلقات متاثر ہو سکتے ہیں۔