پاکستان کی سفارتی کامیابیوں پر عالمی سطح پر پذیرائی، وزیراعلیٰ پنجاب کا امن و سیکیورٹی پر سخت پیغام

لاہور: وزیراعلیٰ پنجاب نے کہا ہے کہ ایران اور امریکا کے درمیان ثالثی کے ذریعے ہونے والے امن معاہدے کے بعد پاکستان کی عالمی سطح پر پذیرائی میں اضافہ ہوا ہے۔ ان کے مطابق اس پیش رفت میں وزیراعظم، نائب وزیراعظم اور فیلڈ مارشل کا اہم کردار ہے۔

وزیراعلیٰ نے ’’پیغام امن کمیٹی‘‘ کے اراکین سے خطاب کرتے ہوئے کہا کہ ملک کو درپیش سیکیورٹی چیلنجز کا مقابلہ کرنے کے لیے حکومت پرعزم ہے اور دہشت گردی و تخریب کاری میں ملوث عناصر کے خاتمے کو ترجیح دی جا رہی ہے۔

انہوں نے کہا کہ امن و امان کی صورتحال بہتر بنانا حکومت کی اولین ذمہ داری ہے اور اس مقصد کے لیے تمام وسائل بروئے کار لائے جا رہے ہیں۔

دوسری جانب وزیراعلیٰ نے سرگودھا میں بچی کے قتل کے واقعے کو انتہائی افسوسناک قرار دیتے ہوئے کہا کہ وہ ایسے واقعات میں ملزمان کی گرفتاری تک خود مانیٹرنگ کرتی ہیں۔ انہوں نے کاہنہ میں پیش آنے والے واقعے پر بھی اظہارِ افسوس کیا اور والدین سے اپیل کی کہ وہ بچوں کو اکیلا نہ چھوڑیں اور نہروں کے قریب جانے سے روکیں۔