خطے میں امن کے لیے پاکستان کی سعودی، اماراتی اور کویتی سفرا کے ساتھ مشترکہ کوششوں کی عزم کی تجدید

اسلام آباد:وزیراعظم شہباز شریف سے سعودی عرب، متحدہ عرب امارات اور کویت کے سفیروں نے ملاقات کی جن میں دونوں ممالک کے سفیروں نے پاکستان کے ساتھ مل کر خطے میں امن و استحکام کے لیے کام کرنے کی خواہش کا اظہار کیا۔ وزیراعظم نے اس موقع پر پاکستان کی دہشت گردی کے خلاف کی جانے والی کوششوں کو سراہا اور بھارتی الزامات کو مسترد کیا۔

سعودی سفیر نواف بن سعید المالکی نے وزیراعظم سے ملاقات میں  کہا سعودی عرب خطے میں امن و سلامتی کے لیے پاکستان کے ساتھ مل کر کام کرنے پر تیار ہے۔ وزیراعظم نے سعودی قیادت کا شکریہ ادا کیا اور کہا کہ پاکستان ہمیشہ دہشت گردی کی تمام شکلوں کی مذمت کرتاہے اور دہشت گردی کے خلاف بڑی قربانیاں دی ہیں۔

یو اے ای کے سفیر حمد عبید ابراہیم سالم الزابی نے کہا کہ متحدہ عرب امارات پاکستان کی دہشت گردی کے خلاف جنگ کی حمایت کرتا ہے اور دونوں ممالک کے درمیان تعاون مزید مستحکم کیا جائے گا۔ وزیراعظم نے کہا کہ بھارت کے حالیہ اقدامات پاکستان کی توجہ دہشت گردی کے خلاف کی جانے والی کوششوں سے ہٹانے کی کوشش ہیں۔

کویتی سفیر نے بھی وزیراعظم سے ملاقات کے دوران کہا کہ دونوں ممالک کے درمیان تعلقات ہمیشہ مضبوط رہے ہیں اور پاکستان کو کویت کی مکمل حمایت حاصل ہے۔ وزیراعظم نے کہا کہ پاکستان امن و استحکام کے لیے عالمی سطح پر تحقیقاتی کمیشن کے قیام کی حمایت کرتا ہے تاکہ پہلگام واقعے کی حقیقت سامنے لائی جا سکے۔