غیر قانونی کال سینٹر کیس میں ملزم ارمغان کو ویڈیو لنک پر پیش کرنے کا حکم

کراچی : کراچی کی سیشن عدالت میں غیر قانونی کال سینٹر چلانے کے کیس کی سماعت ہوئی، جس میں سائبر کرائم ونگ نے ملزم ارمغان کے جسمانی ریمانڈ کی درخواست دی۔

تفتیشی افسر نے عدالت کو بتایا کہ ارمغان پر غیر قانونی کال سینٹر چلانے اور ڈیجیٹل کرنسی کی غیر قانونی لین دین کا الزام ہے۔ عدالت نے پوچھا کہ ملزم کہاں ہے؟ جس پر بتایا گیا کہ وہ پہلے سے ایک اور کیس میں جیل میں ہے۔

عدالت نے ہدایت دی کہ ارمغان کو اگلی سماعت پر ویڈیو لنک کے ذریعے عدالت میں پیش کیا جائے۔ اس کے بعد کیس کی سماعت ملتوی کر دی گئی۔