جرمنی، فرانس اور برطانیہ کا ایران پر حملوں میں حصہ نہ لینے کا فیصلہ

پیرس : امریکہ کے اہم اتحادی ممالک جرمنی، فرانس اور برطانیہ نے ایران پر ہونے والے حملوں میں شریک نہ ہونے کی تصدیق کی ہے۔ ان ممالک نے ایران سے جوہری پروگرام کو ختم کرنے کی مسلسل اپیل کی اور مذاکرات کی بحالی پر زور دیا۔ تینوں ممالک نے اپنے اتحادیوں، امریکہ اور اسرائیل سے رابطے میں رہنے کی تصدیق کی۔

فرانسیسی صدر ایمانوئل میکرون نے کہا کہ جنگ کے نتیجے میں عالمی امن اور سیکیورٹی کے لیے سنگین خطرات پیدا ہو سکتے ہیں۔ انہوں نے کہا کہ فرانس اپنے اتحادیوں کی حفاظت کے لیے تمام وسائل استعمال کرے گا اور اس جارحیت کو روکے جانے کی ضرورت ہے کیونکہ یہ سب کے لیے نقصان دہ ہے۔

کینیڈا کے وزیرِاعظم نے کہا کہ ایران کو نیوکلیئر ہتھیار حاصل کرنے سے روکنا ضروری ہے، جب کہ ناروے نے اسرائیل کے حملے کو بین الاقوامی قوانین کی خلاف ورزی قرار دیا۔