ڈونلڈ ٹرمپ "ڈیل میکر" ہیں، پاکستان امریکہ کے ساتھ تعلقات میں بہتری لا سکتا ہے:بلاول بھٹو 

میونخ: پیپلز پارٹی کے چیئرمین بلاول بھٹو زرداری نے میونخ سکیورٹی کانفرنس کے دوران جرمن ٹی وی کو انٹرویو دیتے ہوئے کہا کہ سابق امریکی صدر ڈونلڈ ٹرمپ کو "ڈیل میکر" کے طور پر جانا جاتا ہے، اور ان کے مطابق پاکستان امریکہ کے ساتھ اپنے تعلقات میں مزید بہتری لا سکتا ہے۔

بلاول بھٹو نے کہا کہ پاکستان نے ہمیشہ عالمی سطح پر امن کے قیام اور ممالک کے درمیان تعلقات کو بہتر بنانے کے لیے مثبت کردار ادا کیا ہے۔ ان کا کہنا تھا کہ بھارت کے ساتھ بھی امن مذاکرات اور تجارتی تعلقات کے ذریعے تعلقات کو فروغ دیا جا سکتا ہے۔

انہوں نے مزید کہا کہ پاکستان کی حیثیت یہ ہے کہ وہ امریکہ اور چین کے درمیان پل کا کردار ادا کرے، جبکہ دیگر ممالک اس عالمی مسابقتی صورتحال کا فائدہ اٹھا رہے ہیں۔