مزارِ قائد پر حاضری: گورنر اور وزیراعلیٰ سندھ کی بابائے قوم کو خراجِ عقیدت

کراچی: یومِ پاکستان کے موقع پر گورنر سندھ اور وزیراعلیٰ سید مراد علی شاہ نے مزارِ قائد پر حاضری دی اور بابائے قوم کو بھرپور خراجِ عقیدت پیش کیا۔ اس موقع پر صوبائی کابینہ کے اراکین بھی ان کے ہمراہ موجود تھے۔

گورنر اور وزیراعلیٰ نے مزارِ قائد پر پھولوں کی چادر چڑھائی اور فاتحہ خوانی کی، جبکہ مہمانوں کی کتاب میں اپنے تاثرات بھی درج کیے۔ یومِ پاکستان کی یہ تقریب ملک بھر میں جاری سادگی اور ملی جوش و جذبے کا حصہ تھی، جس کا مقصد وطنِ عزیز سے وفاداری کے عہد کو دہرانا ہے۔