مری اور راولپنڈی اسلام آباد میں شدید بارش، لینڈ سلائیڈنگ ، رین ایمر جنسی ناٖ فذ

اسلام آباد  ؛ مری میں گزشتہ رات سے مسلسل تیز بارش ہو رہی ہے، جس کی وجہ سے کئی درخت گر گئے اور کئی گاڑیاں پھنس گئیں۔ بوستال روڈ اور ایکسپریس وے پر لینڈ سلائیڈنگ ہوئی، جس میں تین افراد زخمی ہوئے۔ امدادی ٹیموں نے پھنسے ہوئے 11 افراد اور گاڑیوں کو نکال لیا ہے۔ نمب جھنڈا گلی میں لینڈ سلائیڈنگ سے دو گھر متاثر ہوئے لیکن کوئی جانی نقصان نہیں ہوا۔

بارش کی وجہ سے بھوربن اور آس پاس کے علاقوں میں 12 گھنٹے سے بجلی بند ہے۔ مری کے ڈپٹی کمشنر نے شہریوں کو غیر ضروری سفر سے پرہیز کرنے اور ندی نالوں میں نہانے سے اجتناب کرنے کی ہدایت کی ہے۔

راولپنڈی اور اسلام آباد میں بھی تیز بارش ہوئی، جس سے کئی نشیبی علاقے زیر آب آگئے۔ راولپنڈی میں ایک ہاؤسنگ سوسائٹی کے قریب دو افراد اپنی گاڑی سمیت نالے میں بہہ گئے، جو مدد کے لیے پکار رہے تھے۔ ان کا تعلق گاڑی کے ذریعے نالہ پار کرنے کی کوشش سے تھا، لیکن پانی کی تیز روانی نے انہیں بہا لیا۔

جڑواں شہروں کے کچھ دیہی علاقے بھی متاثر ہوئے ہیں، جہاں کئی گھر تباہ ہوئے اور کچھ مویشی پانی میں بہہ گئے۔ اڈیالہ سرکل اور بسکٹ فیکٹری چوک پر بھی بارش کے پانی کی وجہ سے ٹریفک متاثر ہوئی۔

راول ڈیم کی پانی کی سطح بڑھنے پر سپل وے کھول دیے گئے ہیں تاکہ پانی کا بہاؤ کنٹرول کیا جا سکے۔

چکوال میں بھی بارش کی پیشگوئی کے باعث الرٹ جاری کر دیا گیا ہے، اور مساجد میں احتیاطی تدابیر کے بارے میں آگاہی دی جا رہی ہے۔