سی ایس ایس 2025: 2.77 فیصد امیدوار کامیاب، امتحانات کے نتائج کا اعلان

اسلام آباد: فیڈرل پبلک سروس کمیشن (ایف پی ایس سی) نے سی ایس ایس 2025 کے تحریری امتحانات کے نتائج کا اعلان کر دیا ہے، جس کے مطابق کامیاب امیدواروں کی شرح صرف 2.77 فیصد رہی۔

رپورٹس کے مطابق، اس سال سی ایس ایس امتحان کے لیے 18,139 امیدواروں نے رجسٹریشن کی تھی، جن میں سے 12,792 نے امتحانات میں شرکت کی۔ تاہم، ان میں سے صرف 354 امیدوار کامیاب ہو سکے ہیں، جو کہ کامیابی کی شرح میں واضح کمی ظاہر کرتی ہے۔

ایف پی ایس سی نے کامیاب امیدواروں کی فہرست اپنی ویب سائٹ پر جاری کر دی ہے۔ اس کم کامیابی کی شرح پر مختلف حلقوں میں تشویش پائی جا رہی ہے اور اس بارے میں سوالات اٹھائے جا رہے ہیں کہ کیا امتحانی معیار کو مزید بہتر بنانے کی ضرورت ہے۔