میری قیادت میں امریکہ مضبوط اور ایران کمزور ہوا:ٹرمپ

واشنگٹن: سابق امریکی صدر ڈونلڈ ٹرمپ نے اپنے سوشل میڈیا بیان میں ایران سے متعلق امریکی حکمتِ عملی اور سابق و موجودہ قیادت پر سخت تنقید کی ہے۔

ٹرمپ نے دعویٰ کیا کہ ان کی صدارت کے دوران امریکہ نے ایران کے خلاف مؤثر اقدامات کیے اور اس کی بعض عسکری صلاحیتوں کو نقصان پہنچایا، جس کے باعث خطے میں امریکہ کی پوزیشن زیادہ مضبوط ہوئی۔

انہوں نے سابق صدرباراک اوباما کی پالیسیوں پر تنقید کرتے ہوئے کہا کہ اس دور میں ایران کو مالی فوائد حاصل ہوئے اور اس نے امریکی دباؤ کو خاطر میں نہیں لایا۔

اسی طرح ٹرمپ نے موجودہ صدر جوبائیڈن کو بھی تنقید کا نشانہ بناتے ہوئے انہیں کمزور قیادت قرار دیا اور کہا کہ موجودہ پالیسیوں کے باعث امریکہ کی عالمی حیثیت متاثر ہوئی ہے۔

ٹرمپ کے مطابق ان کے دورِ حکومت میں ایران کے معاملے پر زیادہ سخت اور مؤثر حکمتِ عملی اپنائی گئی، جس سے امریکہ دوبارہ مضبوط پوزیشن میں آیا۔

یہ بیان امریکی سیاست میں ایران سے متعلق پالیسیوں پر جاری بحث کو مزید تیز کر رہا ہے۔