کیا آپ جانتے ہیں؟ یوٹیوب کا ایک چھپا ہوا فیچر جو آپ کا پورا تجربہ بدل سکتا ہے!

کیلیفورنیا : یوٹیوب ہم سب روزانہ استعمال کرتے ہیں، کبھی گانے سنتے ہیں، کبھی خبریں دیکھتے ہیں، تو کبھی کسی نئی جگہ کے ولاگز۔ لیکن ایک مسئلہ سب کو پیش آتا ہے — اگر آپ کسی ایک موضوع پر چند ویڈیوز دیکھ لیں، جیسے کسی شہر کے بارے میں یا کسی ڈرامے کا سین، تو یوٹیوب بس وہی چیزیں بار بار دکھانے لگتا ہے۔
یہاں تک کہ ہوم پیج، اشتہارات، اور ریکومینڈیشن سب کچھ ایک ہی طرز کا ہو جاتا ہے، جو کافی بورنگ اور الجھن والی بات ہے۔

یوٹیوب کا ایک زبردست فیچر ہے جس سے زیادہ تر لوگ واقف ہی نہیں — اور وہ ہے: ایک ہی اکاؤنٹ پر مختلف یوٹیوب چینلز بنانا ۔جی ہاں! آپ اپنے اسی گوگل/جی میل اکاؤنٹ پر 100 تک یوٹیوب چینلز بنا سکتے ہیں، اور ہر چینل کا الگ الگ انداز ہوگا۔
یعنی الگ واچ ہسٹری ، الگ ریکومینڈیشن ، الگ پلے لسٹس اور اگر چاہیں تو ہسٹری آف بھی رکھ سکتے ہیں۔
 اس کا کیا فائدہ ہوگا؟
فرض کریں:

ایک چینل صرف گانوں کے لیے ہو 
دوسرا ڈراموں یا فلموں کے لیے 
تیسرا صرف کھانا پکانے کی ویڈیوز کے لیے 
اور ایک چینل تعلیم یا خبریں دیکھنے کے لیے 
تو ہر چینل کی اپنی دنیا ہوگی، اور یوٹیوب ہر جگہ ایک جیسا مواد نہیں دکھائے گا۔

 نیا چینل کیسے بنائیں؟
یوٹیوب کھولیں
دائیں اوپر اپنی پروفائل تصویر پر کلک کریں
"Switch Account" پر کلک کریں
پھر "View all channels or create a new channel" پر جائیں
نیا نام رکھیں — بس! چینل تیار 
آپ جب چاہیں کسی چینل پر ہسٹری آف رکھ سکتے ہیں۔ ایسے میں ہوم پیج بالکل خالی رہے گا، اور یوٹیوب آپ کو زبردستی کچھ بھی تجویز نہیں کرے گا۔

یہ ایک چھوٹی سی ٹرک ہے، مگر یوٹیوب کا استعمال کرنے کا انداز مکمل بدل سکتی ہے۔
اپنے شوق، دلچسپیوں یا کام کے حساب سے الگ چینلز بنائیں اور یوٹیوب کو اپنے طریقے سے استعمال کریں — نہ کہ یوٹیوب آپ کو چلائے۔