ایمباپے گولڈن بوٹ کے مضبوط امیدوار، میسی کا گولز کا ریکارڈ بھی توڑ دیا

میکسیکو :فرانس کے اسٹار فٹبالر کیلیان ایمباپے نے فیفا ورلڈ کپ میں شاندار کارکردگی کا سلسلہ برقرار رکھتے ہوئے گولڈن بوٹ کی دوڑ میں پہلی پوزیشن حاصل کر لی ہے۔

انگلینڈ کے خلاف برانز میڈل میچ میں گول اسکور کرنے کے بعد ایمباپے کے ٹورنامنٹ میں مجموعی گولز کی تعداد 10 ہو گئی، جس کے ساتھ ہی انہوں نے لیونل میسی کے ایک ورلڈ کپ ایڈیشن میں 8 گولز کے ریکارڈ کو بھی پیچھے چھوڑ دیا۔

ارجنٹائن کے کپتان لیونل میسی 8 گولز کے ساتھ گول اسکوررز کی فہرست میں دوسرے نمبر پر موجود ہیں۔ تاہم فائنل میچ میں انہیں اپنی تعداد بڑھانے اور گولڈن بوٹ کی دوڑ کو دلچسپ بنانے کا موقع حاصل ہوگا۔

ایمباپے کی شاندار فارم نے انہیں گولڈن بوٹ کا مضبوط ترین امیدوار بنا دیا ہے، جبکہ شائقین کی نظریں اب فائنل پر مرکوز ہیں، جہاں اس انفرادی اعزاز کی دوڑ بھی فیصلہ کن مرحلے میں داخل ہوگی۔