تربت : وفاقی وزیرداخلہ محسن نقوی کی شہید کیپٹن وقار احمد اور دیگر جوانوں کی نماز جنازہ میں شرکت

تربت : وفاقی وزیرداخلہ محسن نقوی نے تربت کے فرنٹیئر کور ساؤتھ ہیڈکوارٹر پہنچ کر شہید کیپٹن وقار احمد اور چار دیگر بہادر جوانوں کی نماز جنازہ میں شرکت کی۔ اس موقع پر آئی جی ایف سی ساؤتھ میجر جنرل بلال سرفراز خان اور دیگر اعلیٰ عسکری و سول حکام بھی موجود تھے۔

نماز جنازہ میں شہداء کی عظیم قربانیوں کو یاد کیا گیا اور ان کے درجات کی بلندی کے لیے دعا کی گئی۔ محسن نقوی نے کہا کہ کیپٹن وقار احمد اور جوانوں نے اپنی جانیں قربان کر کے فرض کی راہ میں ایک مثال قائم کی ہے، اور قوم ان قربانیوں کا کبھی بھی حق ادا نہیں کر سکتی۔

انہوں نے شہداء کے خاندانوں کو اپنا خاندان قرار دیا اور کہا کہ پورا ملک ہمیشہ ان کے مقروض رہے گا۔ آئی جی ایف سی ساؤتھ نے بھی کہا کہ سکیورٹی فورسز کی قربانیاں پاکستان کے دہشت گردی کے خلاف عزم کی روشن مثال ہیں۔