"دہشتگردوں کی بہن"؟ ، بی جے پی وزیر کا کرنل صوفیہ قریشی کی حب الوطنی پر سوال

نئی دہلی: جب کرنل صوفیہ قریشی نے آپریشن سندور کے بعد اپنی قوم کے سامنے سچ رکھنے کا حوصلہ کیا، تو کسی نے نہ سوچا تھا کہ انہیں اس کی قیمت اپنی حب الوطنی پر حملے کی صورت میں چکانی پڑے گی۔

بی جے پی کے وزیر وجے شاہ نے ایک جلسے میں کرنل صوفیہ کو "دہشت گردوں کی بہن" کہہ کر نہ صرف ان کی عزت پر وار کیا، بلکہ بھارتی فوج کی مسلم افسران پر بھی انگلی اٹھا دی۔ سوشل میڈیا پر یہ بیان جنگل کی آگ کی طرح پھیل گیا، جہاں لاکھوں افراد نے اس بیان کو نفرت کی سیاست کا آئینہ قرار دیا۔

ملک ارجن کھرگے سمیت اپوزیشن لیڈران نے وجے شاہ کو کابینہ سے برطرف کرنے کا مطالبہ کیا ہے۔ ان کا کہنا ہے کہ: "یہ بیان صرف کرنل صوفیہ پر نہیں، بلکہ ہر اس بھارتی مسلمان پر حملہ ہے جو وردی پہن کر وطن کی حفاظت کرتا ہے۔"

یہ محض ایک بیان نہیں، بلکہ ایک سوال ہے: کیا آج بھارت میں مذہب حب الوطنی پر بھاری ہو گیا ہے؟