اقوام متحدہ کے سیکرٹری جنرل کی اسلام آباد میں دہشت گردی کے حملے کی مذمت

اسلام آباد: اقوام متحدہ کے سیکرٹری جنرل انتونیو گوتریس نے اسلام آباد میں دہشت گردوں کے حملے کی سخت مذمت کی ہے، جس میں کئی بے گناہ افراد کی جانیں ضائع ہو گئیں۔ اپنے بیان میں گوتریس نے کہا کہ خودکش دھماکے میں ہونے والے جانی نقصان پر انہیں گہرا دکھ پہنچا ہے اور انہوں نے متاثرہ خاندانوں سے اظہار تعزیت کیا۔ ساتھ ہی انہوں نے زخمیوں کی جلد صحتیابی کے لیے دعا بھی کی۔

انتونیو گوتریس نے یہ بھی کہا کہ دہشت گردوں کو انصاف کے کٹہرے میں لایا جائے اور اسلام آباد میں ہونے والے اس حملے کی مکمل تحقیقات کی جائیں تاکہ ان جرائم میں ملوث افراد کو سزا مل سکے۔

اس حملے میں 12 افراد شہید اور 36 زخمی ہوئے تھے، جو کہ اسلام آباد کی کچہری کے باہر فتنہ الخوارج کے ایک خودکش بمبار کے حملے کا شکار ہوئے۔ اس واقعے کے بعد امریکا اور چین کے سفارت خانوں نے بھی اس دہشت گردانہ حملے کی مذمت کی۔