پاکستان اقلیتوں کے حقوق کے تحفظ اور ان کی مذہبی آزادی کے لیے ہمیشہ دنیا بھر میں آواز اٹھاتا رہے گا، شہباز شریف

اسلام آباد : وزیراعظم محمد شہباز شریف نے اقلیتوں کے عالمی دن کے موقع پر کہا کہ پاکستان اقلیتوں کے حقوق کا تحفظ کرے گا اور ان کی مذہبی آزادی کے لیے ہمیشہ دنیا بھر میں آواز اٹھاتا رہے گا۔

اپنے پیغام میں وزیراعظم نے کہا کہ حکومت کا اقلیتوں کی فلاح و بہبود کو اولین ترجیح دینا ہے، اور ان کی خدمات کو قومی اثاثہ سمجھا جاتا ہے۔ انہوں نے یہ بھی کہا کہ پاکستان میں اقلیتوں کو تمام شہری اور مذہبی حقوق حاصل ہیں، اور اس پر ہمیں فخر ہے۔

شہباز شریف نے قائداعظم محمد علی جناح کی 11 اگست 1947 کی تاریخی تقریر کا حوالہ دیتے ہوئے کہا کہ یہ تقریر اقلیتوں کے محفوظ مستقبل کی ضمانت ہے۔ انہوں نے اس عزم کا اعادہ کیا کہ حکومت اقلیتوں کو مساوی مواقع فراہم کر کے ان کے کردار کو قومی ترقی میں مزید مؤثر بنائے گی۔

وزیراعظم نے یہ بھی کہا کہ پاکستان کو اقلیتوں کے حب الوطنی اور ثقافتی ورثے سے فخر ہے، اور حکومت ان کی قومی زندگی میں مکمل شمولیت کے لیے پرعزم ہے۔