ایشیا کرکٹ کپ کا آج سے آغاز، پہلا میچ افغانستان اور ہانگ کانگ کے درمیان ہوگا

دبئی : ایشیا کرکٹ کپ کا میدان آج سے متحدہ عرب امارات میں سجنے جا رہا ہے۔ افتتاحی میچ ابوظہبی میں افغانستان اور ہانگ کانگ کے درمیان کھیلا جائے گا۔

پاکستانی ٹیم بھی ایونٹ میں بھرپور جذبے کے ساتھ شرکت کے لیے تیار ہے۔ قومی ٹیم 12 ستمبر کو عمان کے خلاف اپنا پہلا میچ کھیلے گی، جبکہ سب سے بڑا مقابلہ — پاکستان اور بھارت کے درمیان — 14 ستمبر کو ہوگا۔ ایونٹ کا فائنل 28 ستمبر کو شیڈول ہے۔

اسی دوران ایشیا کپ کی ڈیجیٹل ٹرافی پاکستان پہنچ چکی ہے۔ جاری کردہ ویڈیو میں نہ صرف پاکستانی کھلاڑیوں کی صلاحیتیں دکھائی گئیں، بلکہ شائقین کا جوش بھی خوب نمایاں تھا۔