محمد اورنگزیب کا کارکردگی اور احتساب پر مبنی نظام حکومت کے ذریعے بہتر عوامی خدمات کا عزم

اسلام آباد: وفاقی وزیر خزانہ و ریونیو سینیٹر محمد اورنگزیب نے کہا ہے کہ حکومت کارکردگی اور احتساب پر مبنی نظامِ حکومت متعارف کرانے کی پوری کوشش کر رہی ہے تاکہ ہر سرکاری خرچہ عوام کی فلاح و بہبود اور قانون کی پاسداری کے لیے استعمال ہو۔ انہوں نے ایف بی آر کو پاکستان کے مالیاتی نظام کی ریڑھ کی ہڈی قرار دیا اور کہا کہ اصلاحات سے ٹیکس وصولی میں اضافہ اور ادارے کی کارکردگی بہتر ہوگی۔

کابینہ کمیٹی کے اجلاس میں پاور ڈویژن اور لا ڈویژن نے اپنی کارکردگی اور تنظیم نو کے حوالے سے اہم معلومات فراہم کیں۔ وزیر خزانہ نے کہا کہ انسانی وسائل کی پالیسیوں کو بہتر بنا کر سرکاری نظام کو شفاف اور مؤثر بنایا جائے گا۔